--Ads--
Inawagan ni Defense Secretary Gilberto Teodoro Jr. a kalokoan ti panangtagikua ti China iti Batanes babaen ti Taiwan.
Kinuna ni Teodoro a saan a nakapappapati ta no produkto dayta iti ibagbagada nga scholars, ket makita no ania a klase iti kapanunotan ti ar-aramiden ti pagilian a kontrolado ti Communist Party of China.
Segun ken ni Teodoro, posible nga indikasyon dayta iti maysa a pre-conceived intention iti China ket saan nga adayo a paset dayta iti maibagbaga a nakarkaru a plano iti nasao a pagilian tapno makontrol iti intero a Pacific Ocean.
Innayonna a saan a rumbeng nga yaleng-aleng ti nasao nga isyu ken inallukoyna dagiti akademiko iti intero a lubong a paglibaka iti nasao a teorya.
-- ADVERTISEMENT --
