--Ads--
Nangnayon pay iti inbuang a danum ti dua a dadakkel a dam iti Northern Luzon nga Ambuklao ken Binga Dam gapu iti saan nga agsarsardeng a panagtudo ti watershed-na.
Manipod iti dati a 213 cubic meter per second (cms) a naibuang iti Ambuklao a bulto iti danum, umaboten iti 246.5 cubic meter per second kasaruno iti panaglukat pay iti maysa pay nga spillway gate.
Dakdakkel a bulto iti danum ti naibuang iti Binga nga umabot iti 327.25 cubic meter per second, a nasurok sangagasut a cubic meter per second a danum manipod iti dati a 225 cubic meter per second idi kalman.
Uppat a gate iti nasao a dam iti agdama a nakalukat manipod iti dati a dua nga spillway.
-- ADVERTISEMENT --
