Pakaragsakan ti National Historical Commission of the Philippines iti panangipalubos ni Presidente Ferdinand Marcos Jr a maisuro ti History kadagiti agad-adal.
Iti pannaki-uman ti Bombo Radyo ken ni Eufemio Agbayani III, Historical Sites Development Officer III iti NHCP, maikkan importansya ti pannakaisuro ti History ta adda kainaiganna iti inaldaw a panagbiag dagiti umili.
Innayonna nga adu dagiti wagas tapno mapasayaat ti ti panagisuro iti history kadagiti agad-adal kas ti naan-anay a panangilatang iti pras ken kaadda ti access kadagiti resources.
Inlawlawag ni Agbayani a no ti panagisuro iti history ket agpatingga laeng iti panangipakabesa iti nagan ken lugar, saan nga agkainteres dagiti agad-adal isu a masapul a makita ti koneksyon dagiti tao iti maysa pay a tao ken ti panangbigbig iti epektona iti kagimungan.
Malaksid dayta, bigbigenna a dakkel a tulong pay ti visualization iti panagisuro tapno maipan iti imahinasyon dagiti ubbing no ania ti kayatna nga ipasagepsep dagiti drawing, photograph, ken paintings.
