VIGAN CITY – Nainget iti panagpaliiw dagiti kameng ti National Disaster Risk Reduction and Management Council (NDRRMC) idiay Itbayat, Batanes a namindua a daras a nagingined.
Segun ken ni NDRRMC- Office of the Civil Defense spokesman Mark Timbal iti pannaki-uman ti Bombo Radyo VIgan, makikinkinnammayet da kadagiti kameng ti Region 2 Disaster Council ken local government unit ti Batanes tapnu maamuan nu anya pay dagiti tulong a posible a maited da kadagiti biktima iti gingined.
Kinumpirmaran ni Timbal a kalpasan iti damo a gingined idiay Itbayat, Batanes ket insigida a timmawag ni Batanes governor Marilou Cayco kenni Undersecretary Ricardo Jalad tapnu agpaarayat.
Nagpatulong met ni Jalad iti Northern Luzon Command ti Armed Forces of the Philippines para iti air asset iti lugar a nagingined.
