Naka red alert status ti National Disaster Risk Reduction and Management Council Operations Center kas panagsagana iti posible nga epekto ti bagyo Kristine.
Segun iti NDRRMC, suspendido ti klase kadagiti walopulo ket maysa a pagadalan, innem a pulo ket siam ket manipud iti CALABARZON idinto a sangapulo ket dua ket manipud Region 6 wenno Western Visayas.
Immunan nga inactivate ti Office of Civil Defense ti “Charlie” protocol, kangatwan a panagsagana iti pito a rehion iti pagilian tapno masigurado a napaspas ti tignay kadagiti apektado a lugar.
Karaman kadagiti rehion ti Cordillera Administrative Region, Region 2, 3, 5, 8, CALABARZON ken MIMAROPA a maibilbilang a high-risk areas.
Kabayatanna, nakaibayog met ti “Bravo” protocol iti Region 1 ken BARMM idinto nga iti NCR, Regions 6, 7, 12, 9, 10 ken CARAGA ket adda iti salinong ti “Alpha’’ protocol.
