Posible a makasoan ti grave threat ken inciting to sedition ni Davao City Mayor Sebastian “Baste” Duterte maipanggep ti kontrobersyal a saritana maipanggep ken ni Pres. Ferdinand Marcos Jr.
Dayta iti pinasingkedan ni National Bureau of Investigation (NBI) Director Melvin Matibag iti impeachment trial kalpasan a sinaludsod ni Senator-Judge Panfilo Lacson no apay a naimbestigaran ni Vice President Sara Duterte ngem saan ti kabsatna a ni Mayor Baste.
Dinakamat ni Lacson ti mapapati nga agpada a pangta ti agkabsat a Duterte ken ni Marcos.
Idi Mayo iti maysa a rally idiay Cebu, pinasingkedan ni Mayor Duterte a maysa laeng nga ulo ti kasapulanda, isu ti ulo ni Bongbong Marcos.
Kinuna ni Matibag a sakup ti sarita ni Mayor Duterte ti nalawlawa nga imbestigasyon iti special task force a binukel ti NBI idi Abril tapno bigbigen dagiti agtultuloy a pangta iti presidente.
Ad-adalen ti task force no umdas dagiti ebidensia tapno makaipila iti kaso a grave threat ken inciting to sedition kontra ken ni Mayor Baste.
