Inisyuan ti National Bureau of Investigation ti subpoena da Michelle Dee, Rhian Ramos ken ni Samantha Panlilio.
Kinumpirma daytoy ti legal counsel ni Dee a ni Atty. Maggie Abraham-Garduque iti maysa nga statement.
Adda pakainaigan na daytoy iti maipagarup a panangbugbog ken ilegal a panangibalud dagiti tallo ti dati a drayber ni Ramos a ni alyas Totoy idi Enero 17 agingga 19, immuna nga akusasion a pinaglibakan dagiti tallo.
Naawaten ti law office ti legal team ni Dee ti subpoena nga inruar ti NBI idi napan a lawas gapu ta nangipila da ti entry of appearance tapno amin a notices ken Michelle Dee ket direkta a maipatulod iti opisina-da.
Impasigurado met ti abogado a sumurot ti kliyente na iti nairuar a subpoena tapno mangegan ti statement da mainaig iti isyu.
