--Ads--
Posible nga agpkasapulan ti nayon a pondo ti Commission on Elections (Comelec) no kas bilang maitantan ti Barangay at Sangguniang Kabataan Elections (BSKE) a nakatuding inton Nobiembre 2, kas pinasingkedan ni Comelec Chairman George Garcia.
Segun ken ni Garcia, gimmastosen ti Comelec ti nasurok-kumurang P8 bilyon ti P19.57 bilyon budget para iti panagsagana ti BSKE.
Pinasingkedan ti opisial a no saan a matuloy ti eleksion inton Nobiembre ket malukatan manen ti voter’s registration inton Setyembre.
Innayon pay ni Garcia nga P8 bilyon ti naaramaten para iti election-related procurement pakairamanan ti panagimprenta dagiti balota ken dadduma pay nga election forms.
-- ADVERTISEMENT --
