Inrekomendar ni Department of the Interior and Local Government (DILG) Secretary Jonvic Remulla iti Kongreso a nayonan ti criminal liability kadagiti akin-kukua ti paltog a naaramat iti sabali a tao tapno makaaramid iti krimen.
Dayta ket kasaruno ti pammaltog dagiti menor de edad iti maysa a pagadalan idiay Tacloban City a nagresulta iti pannakatay ti tallo nga estudyante ken pannakadunor iti duapulo pay a sabali.
Segun ken ni Remulla, nababa ti dusa ti akin-kukua ti paltog, ta no adda iti pribado nga akin-kukua ket civil case laeng ti maipilpila.
Patienna nga adda baklay a responsibilidad ti amin nga akin-kukua iti paltog ken rumbeng a maidulin iti natalged ken naka-lock ken key.
Kabayatanna, nagpanawagan ni Remulla kadagiti gun ownership advocates a timmulong iti panangbukel ti gakat a mangituding iti nalawlawag a dusa kadagiti gun owners kadagiti armas-da.
