Impakaammo ti Philippine National Police nga umaboten iti 26 a paltog nga insuko a konektado ken ni Senador Ronald Bato Dela Rosa, kalpasan nga imbabawi ti PNP ti gun license ken dagiti firearm registration na.
Segun ken ni PNP Public Information Office chief Col. Allen Rae Co, 20 nga armas ti naisuko idiay Davao kabayatan nga 6 ti naiturn-over iti Region 4, isu nga umabot iti 26 iti adda ti kustodiya ti pulisya.
Nupay kasta, 91 iti kabuklan nga 117 firearms a naka-rehistro iti nagan ni Dela Rosa ti saan pay a na-account.
Agtultuloy met a makibinbinnulig ti PNP firearms and Explosives Office iti pamilia ti senador para iti panagsuko dagiti nabatbati nga armas, ken mabalin nga agisayangkat ti legal a police action tapno maala dagituy.
Agtultuloy met ti operasion ti PNP tapno sapulen ni Dela Rosa ken ipatungpal ti arrest warrant kontra kenkuana.
