VIGAN CITY – Saan pay a panawen ti panagangkat ti asukar. Dayta ti nakuna ni Sec. generaL ti National Federation of Sugar Workers John Milton “Ka Butch” Lozande kalpasan a naaprubaran ti panagangkat ti gobierno ti 440,000 metriko tonelada ti asukar.
Iti pannakiuman ti Bombo Radyo Vigan kenni Lozande, rumbeng a ti panagangkat kuma ti pagilian ket adda kadagiti bulan iti Abril wenno mayo gapo ta kadagita a bulan a maamoan ti approximate output iti lokal a maiproproduce nga isu iti pagibasaranda nu mano iti volume ti masapol nga angkaten.
Gapo iti nasao a banag , posible a makaapektar kadagiti sugar producers, sobra ton iti suplay malaksid pay kadagiti nailibas nga importasyon.
Inaig iti dayta, inbutaktak na nga awan iti maaw-awat a production subsidy dagiti local producers manipud iti gobierno a pakakitaan na seryoso ida iti pananggunod iti food sufficiency iti pagilian
Kabayatanna, inpakaammona a saanna patien a ti panagangkat ti gobierno ket tapno makatulong a mapababa ti presyo nu di ket patienna a napigsa ti manipulasyon ti presyo iti merkado gapo kadagiti hoarders.
