VIGAN CITY- Umabot iti siyam a gasut innem a pulo a tray iti itlog iti nakumpiskar dagiti otoridad ta naglibas ti driver iti nakailuganan na a truck iti quarantine checkpoint idiay ili ti Tagudin, Ilocos Sur.
Maibasar iti inisyal a report ti Tagudin Municipal Police Station, ginandat iti driver ti truck a ni John Rey Corpuz Jamon, residente ti Mabini, Moncada, Tarlac iti quarantine checkpoint ngem nakamatan dagiti pulis ket idi linukatan da iti truck a minaneho na, nakita da dagiti tray iti itlog.
Naduktalan nga iligal iti pannakaiserrek ditoy probinsiya dagiti itlog gapu ta awan iti maipakita ni Jamon a dokumento kas iti shipping permit isu a kinumpiskar da, pakairamanan iti truck ken naibalud ti driver.
Ti agdama, manarimaan pay laeng iti imbestigasyon dagiti otoridad nu naggapuan dagiti itlog ken nu pakaideliveran na a lugar.
