Umabot iti P18,807 ti natakaw manipud iti maysa a lalaki idiay Barangay Caburao, Santiago.
Ti biktima ket agtawen iti tallopulo ket lima, agent ti Mabanag Company, agnaed iti Barangay Margaay, Narvacan, Ilocos Sur.
Dagiti suspek ket pakairamanan ti maysa a lalaki a nakasuot iti black ballcap, blue a polo shirt, black a maong pants, ken black rubber shoes; ken maysa a babai nga adda aritos iti agongna, nakasuot iti puraw a blusa, black a maong pants, ken black a sapatos.
Segun iti biktima, inasitgan ida dagiti suspek iti sangwanan ti Galindo Store ket sinaludsodda no ania ti direksion no mapan iti San Fernando, La Union.
Nangiparang ti lalaki a suspek iti maysa a dolyar, P20.00 ken Php 50 iti biktima, ket kalpasanna, binagaan ti suspek ti biktima a mangipakita iti P100, P500 ken P1,000.
Pinakitaan ida ti biktima idin ta bigla a kinaut ti suspek ti sling bag ti biktima ket innalana ti nasao a gatad sa nagluganda iti gray Mitsubishi Expander a nagturong iti Candon City.
Iti agdama, maim-imbestigaran ti pasamak.
