VIGAN CITY – Nasurok maysa a milyon a pisos a gatad ti shabu ti naala dagiti pannakabagi ti linteg kadagiti ag-live in partner babaen iti naiwayat a search warrant operation idiay Brgy. Quezon, Cabugao.
Nabigbig dagiti target ti operasyon a ni Rodel Aquino alyas Waway, agtawen iti uppat a pulo ket uppat ken ni Dona Salom, agtawen ti uppat a pulo ket dua nga agpada nga agnaed iti nasao a lugar.
Ti warrant of arrest dagiti suspek ket imparuar ni Judge Cecilia Corazon Dulay Archog, Presiding Judge iti Branch 21, Vigan City a napetsaan iti September 9, 2020.
Naala kadakuada ti duapulo ket pito a heat sealed transparent plastic sachet a naglaon iti mapapati a shabu a nasurok kumurang 108 a gramo nga aggatad ti 734,400 a pisos ken ti street value na ket 1,080,000 a pisos; dua a pakete iti sigarilyo; maysa a cal.22 revolver nga adda iti balana; maysa a pagkiloan; dua a unit iti cellphone; dua a lighter; maysa a getteng ken kuarta.
Nupay kasta, sapsapulenen dagiti pannakabagi ti linteg ti nakalibas a suspek kabayatan iti pannakaisayangkat ti opearasyon tapno sangwenna ti kaso a panaglabsing iti Comprehensive Dangerous Drugs Act of 2002.
