VIGAN CITY – Sangaribo dua gasut a tray iti itlog ken sangagasut ket pito pulo a tray ti itlog na maalat a naikarga ti Isuzu van iti nakumpiskar iti quarantine checkpoint idiay Barangay Bio, Tagudin idi ala una baente iti malem idi kalman, September 12.
Mainaig dayta, sumango iti kaso a panaglabsing ti Section 4 paragraph B ken Paragraph J ti Provincial Ordinance Number 15-06 series of 2015 wennu animal Quarantine Ordinance of Ilocos Sur iti nagmaneho iti Isuzu van a ni Mat Midoranda Guides nga agtawen ti uppat a pulo ket dua, naasawaan ken agnaed idiay Quezon City ta saan a nagsardeng iti checkpoint ken awan iti dokumento dagiti inkarga na.
Ti nasao a truck ket nakanagan ken ni Villegas Joel ti Mayantok, Tarlac a minaneho laeng ni Guides.
Ti agdama, addan iti kustodiya ti Tagudin municipal police station iti nagmaneho iti truck ken ti truck a minaneho na.
