--Ads--
Umabot iti nasurok 6, 000 a pamilia ti naapektaran ti Bagyo Luis iti Bicol Region, Zamboanga Peninsula, ken Bangsamoro Autonomous Region, segun iti National Disaster Risk Reduction and Management Council.
Pito a lugar iti Zamboanga Peninsula ken BARMM ti agtaltalinaed a nalayus kabayatan a nasuspenso ti biyahe iti siam a pantalan iti Calabarzon ken Bicol a nangitunda ti pannaka-stranded iti dandani 500 a pasahero.
Segun iti Department of Social Welfare and Development, nasurok P280, 000 a gatad ti tulong ti naipaay kadagiti apektado a residente idiay Bicol region.
Kabayatanna, indeklarar ti probinsia ti Camarines Sur ti Red Alert idi Agosto 1 kas sungbat iti pangta ti bagyo.
-- ADVERTISEMENT --
