Pakadanagan a natay iti nasurok limagasut a tattao kalpasan a linteg ti dua a bangka iti kabaybayan idiay Myanmar kadagiti naglabas nga aldaw kas pinasingkedan ti United Nations (UN).
Naawanan ti kontrak ti umuna a bangka kalpasan a pimmanaw nga adda inluganna a nasurok-kumurang 250 a tattao.
Mapapati met a limned ti maikadua a bangka iti paset ti Ayeyarwady coast idiay Myanmar nga adda inluganna a 280 a pasahero.
Kaadoan kadagiti pasahero ket dagiti refugee manipod minoryang Rohingya Muslim.
Segun ti UN High Commissioner for Refugees (UNHCR) ken International Organization for Migration (IOM), nagbiahe dagiti bangka iti ruar ti regular a sailing season, no kaano a delikado iti kabaybayan.
Dagiti Rohingya ket masansan nga aglugan kadagiti bangka a naaramid iti kayo tapno aglibas iti kinaranggas idiay Myanmar ken iti siksikan a refugee camp idiay Bangladesh.
Targetda a makadanon idiay Malaysia, Indonesia wenno Thailand ta kalikagumda a maaddan iti kinatalged ken oportunidad.
