Nangidiaya ti Department of Tourism (DOT) iti nasurok 3,000 a travel deals manipod kadagiti hotels, tour operators ken airlines iti kabarbaro a nairusat a domestic tourism campaign a “Discover More to Love” iti Central Philippine Tourism Expo wenno CPTEx 2026.
Gagemna nga allukoyen dagiti Pilipino nga ag-travel iti uneg iti pagilian ken suportaran iti bassit a tourism enterprises kagiddan ti panangpunno iti lean season manipod July agingga November 2026.
Naisayangkat ti kampania a nakipasetan dagiti mangidadaulo nga stakeholder iti turismo pakairamanan iti Hotels and Marketing Association wenno HSMA a nasurok pitopulo a hotel ken resort ti mangidiaya ti diskwento nga agingga pito pulo a porsiento.
Mabalin pay nga agpili dagiti biahero ti nasurok 250 travel deals manipod agduduma a rehiyon iti pagilian.
