Nasurok 3,000 a classroom iti Visayas ken Mindanao ti nadadael iti bagyo Tino, segun iti Department of Education.
Iti pakauna nga assessment ti ahensia, 2,156 a klasrum ti nagsagrap iti minor damage, 806 ti major damage, idinto a 391 ti totally damaged.
Umabot iti 1,920,402 nga agad-adal ken 79,306 a kameng ti naapektaran kadagiti 3,478 a pampubliko a pagadalan a nagsuspenso iti klase kadagiti 22 a division iti Mimaropa, Central, Western, at Eastern Visayas, Negros Island Region, ken Caraga.
Umabot pay iti 424 a pagadalan ti nagbalin pay laeng nga evacuation center para kadagiti pamilia a nagbakwit, a ti 2,564 a klasrum ket nagserbi a pagkamangan.
Nangilatang ti DepEd iti P32.51 milion para iti clearing ken clean-up operations kadagiti 577 a pagadalan, idinto a P1.86 bilion met ti proposed fund para iti pannakatarimaan dagiti nadadael a pasilidad.
