VIGAN CITY – Nasurok 22K a pulis ken force multipliers ti maideploy nga agbantay iti maikatlo a State of the Nation Address ni Presidente Ferdinand Marcos Jr inton July 22.
Segun ken ni NCRPO Chief ken Task Force SONA Commander, PMaj Gen. Jose Melencio Nartatez Jr., 17.971 nga opisial ti manipud iti Metro Manila; 1,879 manipud iti Police Regional offices, karaman ti Central Luzon ken CALABARZON, ken 2,771 manipud kadagiti dadduma pay a government agencies.
Innayon ni Nartatez, a malaksid iti Security Task Force SONA 2024, adda pay ti mabilin a sub-task groups nga idauluan ti lima a district directors idiay Metro Manila.
Karaman pay kadagiti nainget a bambantayan dagiti otoridad ti kamara idiay Quezon City, Chino Roces Bridge idiay Mendiola malapit sa Malacañang, US Embassy idiay Maynila, ken EDSA Shrine idiay Quezon City a posible a pakaisayangkatan dagiti rally.
