Nasurok 17,000 a pagadalan, nagsuspenso iti face-to-face classes gapu iti Super Typhoon Nando

Pinasingkedan ti Department of Education a 17,451 a pampubliko a pagadalan kadagiti siam a rehion ti nagsuspenso iti face-to-face classes gapu iti Super Typhoon Nando, a nangapektar iti nasurok 10.1 milion nga estudiante ken 426,000 a personnel

Immakar iti alternative delivery modes dagiti pagadalan tapno masigurado nga agtultuloy ti panagadal.

Kabayatanna, 32 a pagadalan ti maar-aramat ita nga evacuation center kadagiti uppat a rehion.

Segun iti DepEd, makikammayetda kadagiti lokal a disaster office para iti preemptive evacuation ken ti agtultuloy a panagmonitor.

Nabilin dagiti pagadalan a siguradoen a natalged dagiti alikamen, iactivate ti contingency plans, ken isagana dagiti emergency supplies.