Nasurok 137 nga ektarya iti daga idiay Sarangani ken Davao Occidental ti posible a naapektaran iti landslide gapu iti magnitude 7.8 a ginggined idi June 8.
Maibasar iti listaan ti Philippine Space Agency (PhilSA), nabigbig dagiti apektado a lugar kadagiti ili iti Glan, Sarangani ken Jose Abad Santos, Davao Occidental babaen ti satellite images sakbay ken kalpasan iti ginggined.
Iti panagadal, nakita iti nakaru a pukaw iti vegetation wenno dagiti mula a mangab-abbong iti daga nga indikasyon ti posible a pannakarpuog iti daga.
Kinuna ti PhilSA a maar-aramat ti satellite data tapno matulongan ti NDRRMC ken PHIVOLCS iti panangbigbig kadagiti lugar a rumbeng nga ipangruna iti monitoring ken response operations.
Agtultuloy iti panagkita ti ahensya bayat a mayur-uray ti ground validation dagiti nabigbig a landslide areas.
