Nasurok 12 milion a Pilipino ti mabenepisyaran manipud iti P20 per kilo a rice initiative wenno ti “Benteng Bigas, Meron Na!” program.
Iti SONA, pinasingkedan ni Presidente Ferdinand Marcos Jr nga agtultuloy ti programa a “Benteng Bigas, Meron Na! a nangpabang-ar kadagiti nasurok 12 milion a Pilipino iti intero a pagilian.
Ti P20 per kilo a rice initiative ket mangipapaay iti subsidized rice kadagiti vulnerable sector, agraman dagiti senior citizen, persons with disabilities, solo parents, minimum wage earners, public transport workers, indigents, ken registered farmers and fisherfolk.
Ti bagas a maipapaay ket aggapu iti stock ti National Food Authority a direkta a magatgatang kadagiti lokal a mannalon.
Nakaur-or metten ti programa iti P2.4 billion a sales sipud nairusat idi Mayo 2025.
