--Ads--
Nasurok 100 a pagtaengan ti nauram iti siudad ti Drammen, Norway.
Nabalkot iti napuskol nga asok ti lugar nga umabot iti nasurok-kumurang 50 a kilometro ti kabisera ti Oslo.
Iti baet ti kakaro ti uram, awan met ti natay wenno mapukpukaw nga agindeg.
Nasurok 60 a bumbero ti naipatulod tapno madepdep ti apoy, idinto a naaramat pay ti helicopter manipud iti tangatang tapno malapdan ti panagkayamkam ti uram.
-- ADVERTISEMENT --
Gapu iti napigsa nga angin, napaspas a nagkayamkam ti apoy ken immabot iti kaasidegna a kabakiran, isu a naibakwit dagiti ginasut nga agindeg.
