Dimmuprak iti mapapati a napeggad a winter storm system iti Southern California a nagresulta iti nakaru a layos, mudslide ken evacuation orders.
Dagiti naapektaran ket pakairamanan iti Los Angeles, San Bernandino, Orange, Riverside, San Diego, ken Shasta.
Mapatta-patta a 38 million a tattao iti naipasidong kadagiti flood watch gapu kadagiti nagsasaruno nga atmospheric rivers, nakaru a panagtudo ken napigsa nga angina.
Dagiti kangrunaan a naapektaran ket ti Antelope Valley, San Gabriel Mountains, dagiti lugar a naapektaran ti wildfire idi napan a tawen kas iti Pacific Palisades, a nangato iti pangta ti debris flow ken pannakarpuog iti daga.
Naaddaan pay iti layos ken road closure iti sadduma a paset iti San Bernandino County idinto a manamnama iti nakaru a panagtudo ken posible a flash flooding iti San Francisco Bay Area, Northern ken Central California, Southern Nevada ken Las Vegas.
