Impasigurado ti Malakanyang iti publiko a nakasagana dagiti security forces a mangkita a nakappia, nasayaat ket mapagtalkan ti parliamentary elections iti Bangsamoro Autonomous Region in Muslim Mindanao (BARMM) inton Setyembre.
Pinasingkedan ni Palace Press Officer Atty. Claire Castro nga adda nayon a personnel ti posible a mai-deploy no kasapulan basar iti security assessments.
Ti panangpasigurado ket kalpasan nga impadamag ti Climate Conflict Action Asia nga adda 235 nga indibidwal ti natay manipud Enero agingga Hulyo pakairamanan ti 28 a natay nga adda pakainaiganna iti umadani a BARMM elections.
Kitkitaen ti Philippine National Police ti bilang ngem pinasingkedan da ti direktiba ni Presidente Ferdinand Marcos Jr ket masigurado ti natalged ken nakappia nga electoral process.
Innayon pay ni Castro a ti Armed Forces of the Philippines ken Philippine Coast Guard ket supsuportaran da ti PNP, partikular kadagiti election areas of concern a binigbig ti Comelec.
