VIGAN CITY – Paulit- ulit a panagbakuna ken kanayon a panangpalagip iti usto a panagdaldalus iti bagi, dayta iti inbalakad ni dati a Health Secretary ken agdama nga Iloilo Congresswoman Janette Garin inaig iti panagsubli iti sakit a polio ditoy pagilian kalpasan ti sangapulo ket siyam a tawen.
Ti pannaki-uman ti Bombo Radyo Vigan ken ni Garin, inbalakad na nga insigida a mangipatungpal ti Department of Health iti vaccination program iti lugar a nakaduktalan da iti ubing a naapektaran ti polio tapnu saan a maakaran dagiti dadduma nga agindeg iti nasao a lugar.
Kadagiti met agindeg kadagiti sabali a lugar ditoy pagilian ket masapul nga ugalien iti panagdaldalus iti bagi ken kanayon a panagbuggo iti ima tapnu saan a maakaran iti polio virus.
Mamati met ti dati nga opisyal ti DOH nga adda iti makanay a pondo iti ahensya para iti vaccination program kontra polio ket nu bilang awan iti pondo, masapul nga agbiruk dagiti maseknan nga opisyal iti pangalaan da iti pondo tapnu maisayangkat iti vaccination wennu immunization program kontra iti nasao a sakit.
