VIGAN CITY – Parikot ni Provincial Quarantine Officer Martel Quitoriano dagiti meat products a nasalamaanda idiay Animal Quarantine checkpoint, Brgy. Gabur, Sta Cruz ta saanda nga ammo iti nagtaudanna.
Iti pannaki-uman ti Bombo Radyo Vigan ken ni Quitoriano, pakadanaganda iti nagtaudan dagiti produkto ta awan iti nakailanad nu akin produkto ken saan a nagsarita dagiti nakemmeg kasta payen a gapu iti pangta iti African Swine Fever iti nasao nga ili.
Dagiti nasalamaan ket da Reymundo Fabro, agtawen ti limapulo, naasawaan, nagmaneho iti TMX 125 a kabaelanna nga aglaon iti mapapati a processed meat products; Rica Joy Burnaobra Leal, agtawen ti duapulo ket uppat, balasang ken agnaed idiay Brgy. Tampugo, Tagudin ken Angelika Gorospe, agtawen ti duapulo ket maysa, balasang nga agpada nga agnaed idiay Brgy. Pudoc West, Tagudin.
Babaen iti panagtitinnulong dagiti pannakabagi ti linteg ket nakemmeg ti driver ken dagiti pasaherona gapu iti panaglabsing iti Provincial Ordinance No.15-06-06 Series 2015 iti Sec. 4, Paragrapg B, G H ken Provincial Ordinance No. 24 Series of 2019.
