--Ads--
VIGAN CITY – Kaso a panaglabsing iti Presidential Decree 1602 ti sangwen dagiti nagsusugal idiay Brgy. Orence, Narvacan.
Nabigbig dagiti suspek a da Catherine Cabrera, agtawen ti uppat a pulo ket dua ken ni Rodolfo Cabacungan, agtawen ti uppat a pulo ket walo, mannalon ken agpadada nga agnaed iti nasao a lugar.
Naaktuan ida dagiti kameng ti Narvacan Police Station kabayatan iti panangiwayatda ti anti gambling operation nga agsusugal ti pusoy dos iti uneg ti pagtaengan ni Joel Cabaccang.
Naala kadakuada ti maysa a set ti baraha, uppat a tugaw, maysa a lamisaan ken pusta nga aggatad ti limapulo ket walo a pisos.
-- ADVERTISEMENT --
Addan iti kustodiya ti Narvacan PNP dagiti suspek tapno dumalanda iti usto a proseso.
