2 ti nadangran iti panagdinnungpar ti closed van ken kurong-kurong iti national highway ti Sitio Kakaldingan, Barangay Lungog, Narvacan, Ilocos Sur.
Ti closed van ket minaneho ti lalaki nga agtawen iti limapulo ket siam, truck driver, taga-Naguilian, La Union.
Ti met kurong-kurong ket minaneho ti lalaki nga agtawen iti limapulo ket tallo, inluganna ti babai nga agtawen iti uppat a pulo ket siam, taga-Barangay Immuli, Pidigan, Abra.
Agpapa-abagatan ti closed van iti zigzag a paset ti kalsada ket idi nadanonna ti nakapasamakan ti aksidente, saan a nadlaw ti kurong-kurong nga adda iti bangir a linya ti sumungad a closed van.
Sumangsang-at iti dayta a gundaway ti kurong-kurong iti turod ngem naawanan iti kontrol isu a napan iti bangir a linya ket nagdinnungparda iti closed van.
Gapu dayta, nadunor dagiti naglugan iti kurong-kurong idinto a saan a naan-ano ti drayber ti closed van.
