Dead on arrival iti ospital ti nagmaneho iti motorsiklo ta natukbobna iti sarsarunwenna a trailer truck iti national highway idiay Barangay Villa Garcia, Sta. Cruz, Ilocos Sur itay alas dos y media iti parbangon (September 18, 2024).
Ti nagmaneho iti black and white Honda Click125i ket ni Ian Harvey Morena Molina, agtawen iti duapulo ket maysa, holder iti driver’s license nga agnaed idiay Barangay Sevilla, Sta. Cruz idinto a saanen a nabigbig ti nagmaneho iti trailer truck.
Iti pannaki-uman ti Bombo Radyo Vigan ken ni Patrolman Nathaniel Sumawang a duty investigator iti Sta. Cruz Municipal Police Station, nakaawatda iti tawag inaig iti npasamak nga aksidente isu a nagrespondeda.
Segun ken ni Sumawang, basar iti CCTV footage ket agpada nga agpapaamianan a direksyon dagiti dua a lugan a ti akin-sango ket ti trailer truck idinto a sumarsaruno iti motorsiklo idin nadanonda iti nasao a lugar ket natukbob iti motorsiklo iti trailer truck.
Gapu dayta ket nadundunor ti nagmaneho ti motorsiklo isu a naipan iti Ilocos Sur District Hospital-Sta. Lucia ngem naideklarar a dead on arrival babaen ti attending physician-na.
Naamoan a nabuntog iti panagpataray ti trailer truck ta nadagsen iti kargana idinto a naduktalan a naggapu iti maysa a pasken ni Molina a naka-inom iti arak idi napasamak iti aksidente.
Adda met dokumento iti motorsiklo, adda helmet ken lisensya ti driver ti motor idi naaksidente.
Nagpalagip ni Sumawang kadagiti motorista nga agannad iti panagmaneho tapno maliklikan iti kas iti nasao a pasamak.
AUDIO – PATROLMAN NATHANIEL SUMAWANG
