--Ads--
Dead on arrival dagiti nagkalubbon iti motorsiklo gapu iti aksidente idiay Alilem Bakun Road, Sitio Macdaar, Barangay Alilem Daya, Alilem, Ilocos Sur.
Ti black Rusi 150 motorcycle ket minaneho ni Gabriel Orael Pias, agtawen iti sangapulo ket walo, backrider-na ni Banz Cayat Balang, agtawen iti duapulo ket tallo, agpada a taga-Barangay Amilongan, Alilem, awan ti suotda a helmet.
Napaspas ti taray ti motorsiklo nga agturong iti daya, idin ta saan a nakontrol ti drayber ti manibela ti lugan ket naidungparda iti backhoe a nakaparking iti bangir a linya nga under construction.
Nagsagaba dagiti nagkalubbon iti dunor iti ulo ken nadumaduma a paset ti bagida a naipaagas iti ospital ngem saandan a nakalasat.
-- ADVERTISEMENT --
