Dead on arrival dagiti nagkalubbon iti motorsi klo iti napasamak nga aksidente iti national highway idiay Barangay Sagat, Sta. Cruz, Ilocos Sur.
Dagiti natay a nagkalubbon ket agtawen iti duapulo ket walo, minanehona ti Honda Click a motorsiklo ken kinalubbonna ti agtawen iti duapulo ket walo, agpada a taga-Sta. Lucia.
Ti met nagmaneho iti Yamaha NMAX a motorsiklo ket agtawen iti tallopulo ket uppat, taga- Lagayan, Abra.
Agpapa-abagatan ti motorsiklo a nagluganan dagiti nagkalubbon ket idi madanonda ti nakapasamakan ti aksidente, nagsikko ti drayber, ket pinadas met a lisyan ni nagmaneho iti NMAX a motorsiklo ngem nagdinnungparda latta.
Nagsagaba iti nakaro a dunor dagiti nagkalubbon ken a naitinnag iti kalsada idinto a ti drayber ti NMAX ket naidarusdos met iti mano a metro manipud iti point of impact.
Amin dagiti karaman ket naipaagas iti ospital para iti pannakatamingda ngem dead on arrival dagiti nagkalubbon.
