--Ads--
Naipaagas dagiti nagkalubbon iti motorsiklo gapu iti pannakadungparda ti kalding a nagballasiw iti national highway ti Barangay Barbarit, Magsingal, Ilocos Sur.
Nabigbig ti nagmaneho iti Yamaha NMAX 155 a ni Jhon Carlo Buena Paeta, agtawen iti duapulo ket uppat, taga-Barangay Darao, San Juan ken ti backrider ket ni Rick Einztein Llaneza Vivit, agtawen iti duapulo ket dua, taga-Barangay Refaro, San Juan.
Agpapa-abagatan ti motorsiklo ket idi nadanonda ti nakapasamakan ti insidente, nadungparna ti kalding a nagballasiw iti kalsada.
Gapu dayta, nadunor ti nadumaduma a paset ti bagi dagiti nagkalubbon a naipaagas iti ospital para iti naan-anay a pannakatamingda.
-- ADVERTISEMENT --
