Maisagsaganan ti kaso a sangwen dagiti nagkalubbon a nangbansag iti bus babaen iti palsiit iti national highway idiay Barangay Bungro, Magsingal, Ilocos Sur.
Dagiti suspek ket agpada a taga-Barangay Maratudo, Magsingal.
Iti pannaki-uman ti Bombo Radyo Vigan ken ni PLT. Richard Pajo, naduktalan a ti backrider ti motorsiklo ti nangbansag iti bus babaen iti panangisayangkatda iti imbestigasion ken panangkitada iti CCTV footage.
Maipalagip a ti Partas Bus ket agpapaabagatan iti nasao a highway idin ta simmungad dagiti dua a lalaki a nagkalubbon iti motorsiklo ket isu metten ti gundaway a panangbansag ti suspek a nakadadaelan ti tawa ti lugan iti paset ti driver’s side.
Naduktalan pay a ti suspek ket isu met laeng tin akin-aramid iti panagbansag iti lugan ti Piddig, Ilocos Norte Vice Mayor.
