Inallukoy dagiti pannakabagi ti linteg dagiti gun owner nga agbalin a responsable iti panagaramat ti igam ita a holiday season.
Iti pannaki-uman ti Bombo Radyo Vigan ken ni PMaj. Vencioly Luzano nga Officer-in-Charge iti PCADU, gapu iti nakasanayan nga agpalpalibang nu dumteng ti paskua ken baro a tawen ket adda dagiti umili nga agaramat iti paltog a pagpaputokda a mabalin a makadangran iti sabali a tao.
Segun ken ni Luzano, adda dagiti agik-ikot iti paltog a saan nga otorisado nga agaramat isu a pinalagipanda ida a rumbeng a suroten ti linteg.
Allukoyenna dagiti umili a saan nga agbuteng nga agpakaammo kadakuada nu adda dagiti makitada nga agar-aramat iti paltog a pagpaputok a posible a mangdangran iti pada.
Maipalagip nga idi napan a tawen ket maysa nga umili manipod ili iti Narvacan ti natamaan ti stray bullet ket gagemda ita a tawen nga awanen ti mairekord nga insidente para ti nasao a banag.
VIDEO – PMAJ. VENCIOLY LUZANO
