--Ads--
VIGAN CITY- Kinemmeg dagiti kameng ti Tagudin municipal police station ti maatap a kameng ti New People’s Army a ni Raquel Mariano, agtawen ti uppat a pulo ket innem ken taga -Baguio City gapu iti kaso a murder, attempted murder ken frustrated murder.
Segun kenni Police Senior Inspector Macario Dalaoan Jr., ti Tagudin municipal police station, simmuko idiay Regional Trial Court, Branch 25, Tagudin ni Mariano ket idiayen nga inyimplimentar da ti warrant of arrest kontra kenkuana a naiparuar idi bulan ti hulyo.
Awan ti pyansa iti kaso a murder ti suspek idinto sangagasut dwa pulo a ribo a pisos ti pyansa na para iti attempted murder ken dwa gasut a ribo a pisos iti frustrated murder para iti temporaryo a pannakawayawaya na.
