VIGAN CITY-Pinatalgedan ti 81st Infantry Batallion (IB) ti Philippine army nga awan iti nadangran iti pwersa ti militar iti napasamak a rinnupak idiay Salcedo , Ilocos Sur.
Iti pannakiuman ti Bombo Radyo Vigan kenni Lt. Col. Eugenio Julio Osias IV , commanding officer ti 81st infantry O IB, , nakaawat da ti report manipud kadagiti residente ti Brgy. Balidbid, Salcedo inaig iti presensya dagiti rebelde isu nga nagresponde da.
Nagresulta daytoy iti 30 minutos a rinnupak kontra kadagiti rebelde a mapattapatta a sangapulo ket lima ti bilang da.
Kabayatanna, inpakaammo ni Osias a mapatta patta a nasurok uppat a pulo ti bilang dagiti rebelde a grupo nga agdakdakiwas iti ili ti Salcedo ngem inpasigurado na nga agtultuloy iti opensiba da kas panangtungpal iti pangeddeng ni presidente Rodrigo Duterte.
