Nangiruar ti Meta ti baro a safety features para kadagiti agtutubo nga agtawen iti sangapulo ket tallo agingga sangapulo ket pito nga agar-aramat ti Facebook, Instagram ken Messenger.
Iti salinong ti napapigsa a Teen Accounts, otomatiko a naka-private dagiti account ti agtutubo, kayatna a sawen, kasapulan pay ti approval sakbayda a makita ti dadduma a users, kasta payen ti post-da no saan a naka-follow kadakuada.
Mayatiddog pay ti proteksyon ta dagiti laeng follower-da ti mabalin nga agipatulod ti messege, ag-tag wenno ag-mention kadakuada.
Addaan pay ti Hidden Words feature nga otomatiko nga ag-filter kadagiti bastos wenno saan a mayannatup a sarita, pakairamanan ti sumagmamano a Filipino words.
Gagem ti Meta a nataltalged ti online experience dagiti agtutubo ken agbalin nga inspirasyon dagiti movie rating system para kadagiti agtawen sangapulo ket tallo agpangato.
