Sumangsango manen dagiti consumer ti Manila Electric Company (Meralco) iti nangatngato a singir ti kuryente kalpasan ti agsasaruno a panagawan ti kuryente kadagiti power plant a nangitunda ti nainget a suplay ken panagngato ti presio ti wholesale electricity.
Inlawlawag ti Meralco a ti panag-ngato ti singir ket gapu ti nangatngato generation cost kasaruno dagiti red ken yellow alert a naipatungpal iti Luzon grid gapu ti kinakurang ti suplay ti kuryente.
Nanayonan ti P0.14 kada kilowatt-hour (kWh) ti singir ti kuryente ita a bulan isu nga umabot iit P14.48 kada kWh ti kabuklan a rate manipud ti dati a singir idi bulan ti Mayo.
Ti pay nangato a presio ti gasolina ken ti agtultuloy a panagbaba ti gatad ti piso kontra iti dolyar ti US ket makaapektar pay ti nangatngato a generation costs.
