VIGAN CITY – Matamtaming ti ospital iti maysa a lalaki nga agtawen ti dua pulo ket maysa ta napaltogan idiay Brgy. Comillas North, Cervantes.
Nabigbig ti biktima a ni Jinaro Jake Ramirez Cudod, naasawaan, laborer ken ti suspek a menor de edad nga agtawen ti sangapulo ket pito agnaed ti Brgy. Rosario ti nasao nga ili.
Basar ti report ti Cervantes Municipal Police Station, nagturong ti suspek ken iti kadduana a ni Rashid Docgan agtawen ti sangapulo ket siam iti pagtaengan ni Cudod ta napanda prinobokar agingga adda iti napasamak a komosyon ken pinaltugan ti suspek ti biktima.
Boluntaryo a simmuko kadagiti kapulisan ti suspek ken narebkore ti dua a magazine ti caliber 9mm a paltog nga adda ti dua pulo ket walo a balana ngem saan a narekobre ti paltog.
