--Ads--
VIGAN CITY – Nagsaba iti gunshot wounds ti akin-kannawan a saka ti maysa a menor de edad gapu ti aksidente a pannakaiputok ti paltog kenkuana idiay Barangay Bitalag, Tagudin, Ilocos Sur.
Ti menor de edad ket agnaed iti Barangay Tampugo, Tagudin.
Nakaawat iti report ti Tagudin Municipal Police Station nga adda kasta a napasamak isu a dagus met a nagrespondeda ngem naitarayen iti ospital ti menor de edad idi makasangpetda.
Narekobre dagiti pannakabagi ti linteg ti igam a Taurus PT 92 AFS, ken ti 9mm PARA nga adda serial number-na.
-- ADVERTISEMENT --
Agtultuloy met ti imbestigasyon dagiti pannakabagi ti linteg inaig iti pasamak.
