VIGAN CITY– Nadisgrasya dagiti nagkalubbon iti motorsiklo nga isu da Rodel tara Jr., agtawen iti sangapulo ket pito, ken agnaed iti Brgy. Lao-ingen, Sto. Domingo kenni Christian Tabbuada, agtawen iti sangapulo ket innem, agnaed iti Brgy. Binongan iti nasao nga ili ken agpada a Grade 11 student ti Lussoc National High School.
Umatendar kuma ti Foundation Day dagiti dua iti nasao a pagadalan idi nakadanun da iti agkurba a paset iti dalan iti Brgy. Lao-ingen, saan a nakontrol ni Tara iti manibela iti motorsiklo na ket naidungpar da iti konkreto nga alad iti igid ti kalsada.
Naitaray idiay Tolentino Clinic and Hospital ni Tara ngem naideklerar a dead on arrival gapu iti nakaro a dunor a sinagrap na idinto a ni Tabbuada ket nagsagaba laeng iti sumagmamano a dunor iti bagi na ket naitary idiay Magsingal District Hospital para iti pannakataming na.
