Impasan ti independent panel ti naaramidda nga evaluation maipanggep iti kasasaad ti salun-at ni dati a Pres. Rodrigo Duterte iti International Criminal Court (ICC).
Segun ken ni Atty. Nicholas Kaufman a lead legal counsel ti dati a presidente, nakaawat payen ti Defense ti kopya iti nasao a report.
Agtaltalinaed a confidential ti linaon ti nasao a report a pakaitedan iti gundaway iti dua a biang a mangiruar iti opisyal a komentoda.
Naituding inton December 12 iti palugit para iti nasao a banag.
Iti agdama, saan pay a nalawag no mangiruar met iti ICC ti redacted copy iti nasao a report.
Binukel ti ICC Pre-Trial Chamber 1 ti nasao a panel a bukbuklen ti tallo nga eksperto tapno adalen no kabaelan ni dati a Pres. Duterte a dumar-ay iti panagdenggeg iti sangsangwenna a kaso a crimes against humanity.
