Dar-ayan dagiti sumagmamano a dati a miembro ti gabinete ni dati a Presidente Rodrigo Duterte ti confirmation of charges hearing-na iti International Criminal Court idiay The Hague.
Segun iti pamilia Duterte, karaman iti Filipino legal team a dumar-ay ket da Salvador Medialdea, Salvador Panelo, Silvestre Bello III, Martin Delgra III, Cesar Dulay, ken ni Alfredo Lim.
Agtugawda iti public gallery ken makikammayetda iti foreign legal team.
Segun iti Rome Stature, dagiti laeng ICC-accredited lawyer ti mabalin nga opisial a mangibagi iti korte.
Idaulwan ti British-Israeli lawyer a ni Nicholas Kaufman ti defense team, kaduana ni Dov Jacobs kas associate counsel.
Awan ti naaprubaran a personal a bumisita a pamilia kabayatan ti pannakaisayangkat ti hearing, ngem mapalubosan dagiti tawag iti telepono.
Ti hearing ti mangngeddeng no makanay dagiti ebidensia tapno agtuloy ti kaso kontra ken ni Duterte.
