Kiniddaw ti prosekusion ti International Criminal Court (ICC) a maawat kas ebidensia dagiti immuna a nailista a testimonia dagiti lima a testigo iti kaso a crimes against humanity kontra ken ni dati a Presidente Rodrigo Duterte.
Iti dokumento a napetsaan iti Oktubre 16, nagkiddaw ni Acting Prosecutor Mame Mandiaye Niang iti pammalubos iti ICC Trial Chamber III nga ipasa dagiti transcript ken dagiti karaman a materyal tapno mapaalisto ti panangusig ken maksayan ti oras iti direkta a panagsaludsod.
Nupay kasta, agtaltalinaed a dumalan iti cross-examination ti depensa ken nayon a panagsaludsod ti korte dagiti testigo a nabigbig kas P-1087, P-1151, P-1158, P-1161, ken P-1204.
Karaman kadagiti topiko ti testimonia ti mapapati a panang-normalize kadagiti pammapatay, dagiti operasion ti Philippine National Police, reward system para kadagiti pulis a karaman iti pammapatay, patakaran a panang-neutralize kadagiti mapagduduaan a criminal ken maipagarup a pannakairaman ni Duterte iti listaan dagiti target.
