VIGAN CITY– Awanen ti posiblidad ti rematch da fighting senator Manny Pacquiao ken American champion Floyd Mayweather Jr., ta saanen a kayat ni Mayweather ti maki-boxing.
Segun kenni dati nga Ilocos Sur governor ken agdama a Narvacan Councilor Luis Chavit Singson, nakapatang na a mismo ni Mayweather ket inbaga na kenkuana a kayatkayat na laengen ti agay-ayam ti basketball ngem maki-boxing.
Patien ni Singson a posible a saanen a kayat ni Mayweather a marugitan ti undefeated record na ta narikna na a napigsa ni Pacman idi naglaban da.
Kabayatanna ,saanen a kayat ti dati a gobernador a lumaban pay ni Pacman no saan na a ka-edad ti kalabanen na ta no naub-ubing ket delikado ta posible a napigpigsa ken napaspaspas ti garaw na.
Kinuna ti dati a gobernador nga awanen ti nasken a paneknekan ni Pacman ta awanen ti makaartap ti record na nga 8-division world champion.
