VIGAN CITY – Pimmusayen ti maysa pay a barito a nalmes iti karayan a sakupen ti Brgy. IV idi biyernes Santo.
Iti pannaki-uman ti Bombo Radyo Vigan kenni Ryan Fermin, ama ni Aaron James Fermin, pimmusay ti anak na idi kalman bayat iti panagtalinaed na ti intensive care unit ti Metro Vigan Cooperative Hospital manipod idi biyernes santo.
Arapaap ti anakna nga agbalin a maysa a kameng ti Philippine National Police ken hilig na iti agayayam iti basketball iso a nadagsen kadakuada iti ipupusay ti putotna.
Dua gasut lima pulo ket walo a ribo a pisos iti bill ti ospital ni Aaron ket agkidkiddaw da iti tulong kadagiti tao a mangayat a mangtulong kadakuada.
Nagyaman ni Fermin ti Provincial Government of Ilocos Sur iti panangidaulo ni Governor Ryan Singson ta nangited da iti sanggasut a ribo a pisos a tulong kadakuada ken pakairamanan pay a naikkan ti pamilya ni Pagaoa.
