Nakemmeg ti maysa a street level individual iti naisayangkat a buy bust operation idiay Barangay Sevilla, Sta. Cruz, Ilocos Sur idi November 26, 2024.
Ti suspek ket agtawen iti tallopulo ket siam, mannalon nga agnaed iti nasao a lugar.
Iti pannaki-uman ti Bombo Radyo Vigan ken ni PMaj. Vincent Tadeo nga Officer-in-Charge iti Sta. Cruz Municipal Police Station, umabot dua a bulan a sinipotanda ti suspek ket idi naikkanda ti gundaway ket isun ti panangsayangkatda iti operasyon.
Segun ken ni Tadeo, ti pannakakemmeg ti suspek ket adda pakainaiganna kadagiti nakemmeg a suspek idi kallabes.
Naala kenkuana ti maysa a piraso ti small heat-sealed transparent plastic sachet a naglaon ti maysa a gramo iti mapapati a shabu nga aggatad ti P6,800 a nagserbi a buy bust item.
Kasta pay a naala pay ti non-drug evidence a maysa a piraso ti P1,000 bill, maysa a cellphone, maysa a nangisit a coin purse, P118 a kuarta ken tallo nga IDs.
VIDEO – PMAJ. VINCENT TADEO
