VIGAN CITY – Maysa ti nakemmeg idinto a nakalibas ti kakaduana iti naisayangkat nga anti-illegal gambling operation idiay Brgy Quezon, Santa.
Nakemmeg ni Arnolfo Baldo, agtawen ti limapulo ket tallo, naasawaan, construction worker a taga-Brgy Pasungol idinto a nakalibas da Manuel Batin, Raul Dameg ken Willie Santiago nga agpada a taga-Brgy Quezon, Santa.
Nakaawat dagiti pannakabagi ti linteg iti report ti maysa a concerned citizen nga adda ti agsusugal isu a napanda iti nasao a lugar ket idi nakadlaw dagiti agsusugal ket insigidada a nagtataray ken naglibas.
Naala kadakuada ti maysa a set ti baraha, dua a piraso ti sangagasut a pisos, maysa a piraso ti limapulo a pisos, dua a piraso iti baente ken maysa a piraso ti sangapulo pisos.
Ti suspek ket addan iti salinong ti CIDG Ilocos Sur PFU Office tapno dumalan iti husto a proseso.
